COUSAS DE BELZEBU

BELZEBU

Ah,tu!
Cousas de Belzebu.
Iba pula rue.
Ua baca fizo mu
I dou un pu.
Ah,tu!
Cousas de belzebu…

Las pitas coixas

Trés pitas coixas

cómen nua pila

cuorre la pita coixa

trás la coixa pita

Cousas de Ps, Gs i Rs

Paga l parro, drume l gato,

fuge l rato, paga l gato,

drume l rato, fuge l parro,

paga l rato, drume l parro,

fuge l gato.

Copo, copo, jericopo

Copo, copo, jericopo, jericopo, copo acá:
quien nun dezir trés bezes
copo, copo, jericopo, copo, acá
por este copo nun buirá!

Tiempo

L tiempo procurou-le al tiempo

quanto tiempo l tiempo ten

i l tiempo respundiu-le al tiempo

que l tiempo ten tanto tiempo

quanto tiempo l tiempo ten!

Beilar

Yera ua beç ,

Un gato çapato,
Bigotes de palha, cabeça de rato,
Beila l perro, beila l gato,
Beila l frajon carrapato,
Carrapato, carrapatico
Beila alhá más un cachico!

L pardal pardo

*

Porque palras, pardal pardo?

Palro i palrarei,

Porque sou l pardal pardo,

Palrador de l rei.

[Çtraba lhénguas ambiado por Zé Chico]

L Pardal

*

Pintura digital de Manuol Bandarra

L pardal

ye un animal

que nun faç mal

i ten un cantar tal

que faç un chabascal

anfilado ne l miu barandal

a spera que l gato l lhiebe al spital

pus ye alhá que se bende açucre i sal.

Será esto todo berdade ó será que stá todo mal?

Fracisco Niebro (2001)

L paçpalhaç i la perdiç sin nariç

*

Pintura digital de Manuol Bandarra

Cumo faç

l paçpalhaç,

bun rapaç?

L que diç

la perdiç,

sin nariç ?

Cumo faç

l paç-palha-ç

sin palha i sin paç?

L que diç

la perdi-ç

se perdi-u l nariç?

Quien ye capaç

de saber l que faç,

cun palha, l paçpalhaç?

Qual ye l juiç

que sabe l calantriç

de la perdiç sin nariç?

Fracisco Niebro (2001)

You sei un niu

You sei un niu

de mafalagrifa

cun cinco mafalagrificos;

you iba pa se los tirar

mas la mafalagrifa

querie-me amafalagrifar.

You sei un niu

de mafagafa

cun cinco mafagaficos;

you iba pa se los tirar

mas la mafagafa

querie-me amafagafar.

[Popular. De quando you era garotico.]