Nina de ls uolhos doces
Drume-te al miu cantar:
Tengo nina de trapos,
Tengo ua boç de lhunar…
Ls mius braços son la Lhuna,
Quando eilha ye quarto creciente:
Drume-te nina de trapos,
Miu cachico de giente.
Drume-te mie filha triste,
Miu farrapo de nina,
Drume, que you sou la nubre
Que te sirbe de cortina.
Nina de ls uolhos doces
Drume-te al miu cantar:
Tengo nina de trapos,
Tengo ua boç de lhunar…
(Traduzi-la de l lhibro O Livro da Tila de Matilde Rosa Araujo)
1 comentário:
Buonas nuites,
Que poema tan guapo. Merecie mesmo ua cantiga. Puode ser que haba quien se la querga fazer.
Un abraço,
Fracisco Niebro
Enviar um comentário