O LEÃO - O REI BOM

L LHION - L REI BUONO

Habíe un lhion que nun era ambejoso, nin cruel, nin biolento, mas tratable i justo cumo ua buona creatura, que chegou a ser rei.
Durante l sou reinado fizo-se ua reunion giral de ls animals para se desculpáren i perdonáren-se uns als outros. L lhobo dou la paç al cordeiro, la pantera al camelo, l tigre al corço, la raposa a la lhiebre, etc.
La lhiebre dixo anton:
- Siempre sperei ber chegar este díe, para que ls andebles seiamos respeitados cun justicia por ls mais fuortes.
I lhougo se botou a correr l melhor que puodo.

Quando nun stado se pratica la justicia, ls houmildes púoden bibir tranquilos, mas nun se dében scuidar.