Pintura digital de Manuol BandarraCumo faç
l paçpalhaç,
bun rapaç?
L que diç
la perdiç,
sin nariç ?
Cumo faç
l paç-palha-ç
sin palha i sin paç?
L que diç
la perdi-ç
se perdi-u l nariç?
Quien ye capaç
de saber l que faç,
cun palha, l paçpalhaç?
Qual ye l juiç
que sabe l calantriç
de la perdiç sin nariç?
Fracisco Niebro (2001)
2 comentários:
“Pintura digital” ye pintura realizada diretamente ne l i cul cumputador, nun ye berdade ?
Mas pintura de qualquiera forma i ua forma de Arte i de spresson que dan estes resultados ancantadores de la outorie desse miu cunterráneo que ye Manoel Bandarra . I ls purmeiros a apreciar i a querer ser artistas eilhes tamien son ls mais pequeinhos que adóran estas nuobas técnicas. Nun s’angánhan !
Si, esta pintura ye feita diretamente ne l cumputador i nun eisiste an papel, fuora de l cumputador. L'eideia fui de Manuol, nua altura an que you andaba para publicar l lhibrico L BOLO DE L BEISO, mas que apuis nun calhou al modo. El ye porsor de artes bisuales i sabe bien que ls moços i moças gústan destas cousas i ténen muita albelidade para fazer cousas ne l cumputador: eiqui puoden achar miles de quelores que quédan mui bien.
Rialmente quédan bien estas pinturas, eiqui eiditadas pula purmeira beç.
Enviar um comentário